Суди ноҳияи Мастчоҳ 
Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» бо тақозои рушди ҷомеа анъана ва ҷашну маросимро танзим намуда, ба ҳифзи арзишҳои асили фарҳангию миллӣ ва эҳтиром ба суннатҳои мардумӣ барои баланд бардоштани сатҳи иҷтимоию иқтисодии ҳаёти шаҳрвандони Ҷумҳурии Тоҷикистон равона гардидааст.
Зимни вохӯрӣ бо аҳолии ҷамоати шаҳраки Бӯстон ёрдамчии раиси суди ноҳия Мухторзода М. мақсади Қонуни мазкурро ва оқибатҳои риоя накардани қонуни онро ба саҳми мардум расонид. Инчунин ёрдамчии раиси суд қабули қонунро аз ҳимояи манфиатҳои иҷтимоии мардуми Тоҷикистон, мусоидат барои паст кардани сатҳи камбизоатӣ ва гирифтани пеши роҳи хароҷоти зиёдатӣ, ки ба манфиатҳои иқтисодӣ ва фазои маънавии ҳаёти шаҳрвандон зарари ҷиддӣ ворид менамоянд, фаҳмонид.